১)
মেঘ-মৃত্যু
মেঘ-মৃত্যু
কবিৰা,
ভঙা কলহটোৰ সুখেই সৰি পৰা মেঘৰো সুখ।
আত্মবিলোপনৰ আনন্দ? নে ভৱিষ্যতৰ এখন জীপাল ধৰা?
নিজে শেষ হৈ যাবলৈ পয়োধৰ সদা উন্মুখ।
ভঙা কলহটোৰ সুখেই সৰি পৰা মেঘৰো সুখ।
আত্মবিলোপনৰ আনন্দ? নে ভৱিষ্যতৰ এখন জীপাল ধৰা?
নিজে শেষ হৈ যাবলৈ পয়োধৰ সদা উন্মুখ।
২)
মেঘ-চক্ৰ
মেঘ-চক্ৰ
ফকিৰা, ই দেশ সি দেশ
পৰিভ্ৰমী গৈ
মেঘে নাপাহৰে কোন আছে ৰৈ।
কোনোবা প্ৰান্তিকৰ এটা মাত্ৰ চাতকৰ
আহ্বানত ঘূৰ্ণায়মান জলচক্ৰ সমস্ত। সকাতৰ।
মেঘে নাপাহৰে কোন আছে ৰৈ।
কোনোবা প্ৰান্তিকৰ এটা মাত্ৰ চাতকৰ
আহ্বানত ঘূৰ্ণায়মান জলচক্ৰ সমস্ত। সকাতৰ।
৩)
মেঘ-বৰ্ণ
মেঘ-বৰ্ণ
মাটিত ফুলা
ফুলৰ ৰংবোৰো মেঘে গোটায় সূৰ্যৰ পৰা
মুহূৰ্তে মুহূৰ্তে সলনি হয় তৰপে তৰপে ৰং মেঘদেশৰ
আমি সকলোবোৰ সেই প্ৰাচুৰ্যৰ তলসৰা।
মুহূৰ্তে মুহূৰ্তে সলনি হয় তৰপে তৰপে ৰং মেঘদেশৰ
আমি সকলোবোৰ সেই প্ৰাচুৰ্যৰ তলসৰা।
৪)
মেঘ-পুঙা
মেঘ-পুঙা
পৃথিৱীখন আৱৰি
মেঘ ঘূৰে।
পৃথিৱীখন সাৱটি মেঘ ঘূৰে।
পৃথিৱীখন সাৱটি মেঘ ঘূৰে।
মূৰ্খ মাটিৰ
মানুহেহে ভাবে মেঘডোঙা
আলাসত ওপঙা
উৰুলিপুঙা।
আলাসত ওপঙা
উৰুলিপুঙা।
৫)
মেঘ-ওহাৰ
মেঘ-ওহাৰ
যমুনা ওফন্দি
আহে। ওলমি পৰিছে মেঘ ওহাৰ।
বুকু ভৰে, বুকু ভাগে, বুকু কোমলে, বুকু ওপচে
মেঘশ্যাম দেখি উথলি বুকু টান হৈ আহে ৰাধাৰ।
বুকু ভৰে, বুকু ভাগে, বুকু কোমলে, বুকু ওপচে
মেঘশ্যাম দেখি উথলি বুকু টান হৈ আহে ৰাধাৰ।
৬)
মেঘ-খেল
মেঘ-খেল
মেঘে জিৰণি লয়।
ধাৱমান হয় মেঘ ত্বড়িৎ গতিত।
মেঘে মেঘে সখি পাতে। মেঘে মেঘে পতা মুখচুপতিত
উৰাবাতৰি বয়। খেলিয়াখেলি লাগি চাগে’
মেঘৰ সবাহতো কাৰোবাৰ সংসাৰ ভাগে!
ভূমাখচিত বাৰিবাহ মেঘ অৱশেষত ভূপতিত।
মেঘে মেঘে সখি পাতে। মেঘে মেঘে পতা মুখচুপতিত
উৰাবাতৰি বয়। খেলিয়াখেলি লাগি চাগে’
মেঘৰ সবাহতো কাৰোবাৰ সংসাৰ ভাগে!
ভূমাখচিত বাৰিবাহ মেঘ অৱশেষত ভূপতিত।
৭)
মেঘ-নীতি
মেঘ-নীতি
মেঘে মেঘে
সংঘাত হয়, আকাশত
ফিৰিঙতি চিটিকায়।
বৰ মেঘে সৰু মেঘক খায়।
বৰ মেঘে সৰু মেঘক খায়।
পৃষ্ঠটান স্বভাৱৰ অচিলা লৈ চলে মেঘৰ মৎস্যন্যায়।
বৰ মেঘে সৰু মেঘক খায়।
বৰ মেঘে সৰু মেঘক খায়।
পৃষ্ঠটান স্বভাৱৰ অচিলা লৈ চলে মেঘৰ মৎস্যন্যায়।
৮)
মেঘ-ঘৰ
মেঘ-ঘৰ
চিৰপৰিব্ৰাজক হ'লেও কিন্তু
মেঘৰো এখন দেশ থাকে দেখোন।
দেশ বুলিলে দেশান্তৰণৰো কাহিনী হেনো থাকিবই লাগে।
এখন হেৰোৱা ঘৰৰ স্মৃতি আৰু এখন নোহোৱা ঘৰৰ সপোন
ঘৰহীনতাই মন বেয়া কৰা মেঘৰো আছে। মেঘৰো থাকে।
দেশ বুলিলে দেশান্তৰণৰো কাহিনী হেনো থাকিবই লাগে।
এখন হেৰোৱা ঘৰৰ স্মৃতি আৰু এখন নোহোৱা ঘৰৰ সপোন
ঘৰহীনতাই মন বেয়া কৰা মেঘৰো আছে। মেঘৰো থাকে।
৯)
মেঘ-ডাক
মেঘ-ডাক
নীলা আকাশৰ
সমুদ্ৰত মেঘজাহাজৰ জলযাত্ৰা
মেঘৰ সিপাৰে
এখন দেশ আছে। গুছি যাওঁ গুছি যাওঁ লাগে।
গৈ ‘কোনো কাহানিও উভতি নহা’ সি দেশ।
যামগৈ বুলিয়ে মাটিয়ে বনে বিৰিখে চুমা একোটাকৈ যাচোঁ।
প্ৰতিটি চুমাই শেষ চুমা।
প্ৰতিটি গানেই শেষ গান।
গৈ ‘কোনো কাহানিও উভতি নহা’ সি দেশ।
যামগৈ বুলিয়ে মাটিয়ে বনে বিৰিখে চুমা একোটাকৈ যাচোঁ।
প্ৰতিটি চুমাই শেষ চুমা।
প্ৰতিটি গানেই শেষ গান।
মেঘৰ চিঠিত যেন
সেই অজানা দেশৰ আহ্বান
কোন কুবেৰৰ দেশ, কোন ঐশ্বৰ্যৰ দেশ,
নাজানো। জনাৰ উপায় নাই।
কোনোদিনে নেদেখা কোনোদিনে নোপোৱা
কিবা এটাৰ বাবে কিবা কিবা লগা মোৰ
মেহ-পৰাণ।
কোন কুবেৰৰ দেশ, কোন ঐশ্বৰ্যৰ দেশ,
নাজানো। জনাৰ উপায় নাই।
কোনোদিনে নেদেখা কোনোদিনে নোপোৱা
কিবা এটাৰ বাবে কিবা কিবা লগা মোৰ
মেহ-পৰাণ।
১০)
মেঘ-দেশ
মেঘ-দেশ
বায়বীয় গতিও
অবাধ নহয়। মেঘদেশ উত্তাল হয়।
বিজতৰীয়া মেঘৰ অনুপ্ৰৱেশ ঘটে।
ধৰাশায়ী মেঘ পথাৰত ৰয়।
বিজতৰীয়া মেঘৰ অনুপ্ৰৱেশ ঘটে।
ধৰাশায়ী মেঘ পথাৰত ৰয়।
বিজুলীৰ চমক
দেখাতেহে ক্ষণিক
অনুপ্ৰৱেশ, আগ্ৰাসন আৰু অধিকাৰৰ নেৰেটিভ
মেঘদেশতো পৌনঃপুনিক।
অনুপ্ৰৱেশ, আগ্ৰাসন আৰু অধিকাৰৰ নেৰেটিভ
মেঘদেশতো পৌনঃপুনিক।
