Sunday, May 5, 2019

ঘূৰ্ণাৱৰ্ত


নৈৰ পাৰলৈ নাযাওঁ‌
গৈনো কি হ'ব
মিছাতে কাৰোবালৈ মনতহে পৰিব।
পাহাৰৰ ফালে নাচাওঁ‌
চাইনো কি হ'ব
মিছাতে মনতহে পৰিব।
হাবিয়েদি বাট বুলিবলৈ -
কথা একেটাই।

তেনেতে হঠাৎ মনত পৰিল
মোৰ দেখোন মনত পেলাবলৈ
কোনোৱেই নাই

সেয়ে মই নৈৰ পাৰত বহিলোগৈ এখন্তেক
পাহাৰলৈ চালোঁ‌ ৰ লাগি
হাবিয়ে হাবিয়ে বনালোঁ‌

এতিয়া ঘূৰিছোঁ‌ ঘৰলৈ বুলি
ওৰেটো বাট
তোৰ কথাকে ভাবি।



No comments:

Post a Comment