চকুবোৰ গজাল। চকুবোৰ কাঁড়।
চকুবোৰ ধনগুলৈ। চকুবোৰ কঁঠালৰ আঠা।
চকুবোৰ কটা তামোলে লগোৱা জগৰৰ কাহিনী।
চকুবোৰ হাতুৰী। চকুবোৰ নক্ষত্ৰ। চকুবোৰ আঙঠা।
চকুবোৰ বাঁহপাত।
চকুবোৰ ছজন অন্ধ মানুহৰ হাত।
চকুবোৰ দিখৌত উটি যোৱা আজানৰ মাত।
চকুবোৰ কলঙেদি উটি অহা মুণ্ডহীন এজনী ছোৱালী।
চকুবোৰ জোন পাৰিবৰ মন-হাকুটি।
আন্ধাৰত তিৰাইবিৰাইছিল যি চকুবোৰ
নগৰত জগৰ লগাইছিল যি চকুবোৰে
সাগৰ কজলা চকুবোৰত আজি ধোঁৱা
সাগৰ নীলা চকুবোৰত আজি ধোঁৱা
এন্ধাৰৰ দৰে সত্য
চকুবোৰত আজি ধোঁৱা
No comments:
Post a Comment