কৰ অশ্ৰু দূৰ ভাই

- কি হ’ল? মন বেয়া?
- ওঁ

কৰ কৰ কৰ কৰ অশ্ৰু দূৰ ভাই
কৰ কৰ কৰ কৰ কৰ কৰ কৰ কৰ
অশ্ৰু দূৰ ভাই
সংগ্ৰামেহে আজি অস্তিত্ব সোঁৱৰায়
আবেগ বেদনাৰ অশ্ৰু বোৱাবৰ
আজি সময় তোৰ নাই
সেয়ে কৰ, অশ্ৰু দূৰ ভাই
গা জীৱনৰ গান
বজ্ৰকণ্ঠে আকাশ কঁপাই।।

পুঞ্জীভুত ক্ষোভ চকুপানী হ’লে আজি
মাটি সেমেকাই ঘৰহে খহাব,
বহ্নিশিখা হৈ আকাশ ৰঙালে
সিহে দেশ তৰাব।
সমুখত যদি আজি বাট নাই,
কাৰ বাবে আছ তই বাট চাই
অশ্ৰু নিগৰাই?
সেয়ে কৰ, অশ্ৰু দূৰ ভাই।।

ভণ্ড প্ৰতাৰকৰ কাৰাগাৰ আজি তোৰ গানেৰে জ্বলাই
সমস্বৰে ক : দে আমাক আমাৰ মতে ৰ’বলে’ জীয়াই।
আজি মুখ খুলি ক : অ’ শাসক শিশুপাল সামৰা জঞ্জাল
জনাৰ্দনৰ আজি ক্ষমাৰ ক্ষমতা যায় হেৰাই।।

“সংগ্ৰাম আন এটি নাম জীৱনৰে
ইতিহাসে চিঞৰে জয় জনতাৰে…”