সময়ৰো শেষ আছে। যাত্ৰা শেষ হয় পোহৰৰো।। - নৱকান্ত বৰুৱা
সঙ্গীত আমি ভালপাওঁ কাৰণ
ই শেষ হৈ যায়।
একে কাৰণতে ভালপাওঁ জীৱন
এই আছে এই নাই।
এই যে শেষ হৈ যোৱা বাৰে বাৰে
সেইবাবেই নেকি
তোমাকো ভালপাওঁ সেইবাবেই নেকি।
পছিম আকাশত জিলিকা বিৰাট ৰক্তিম কান্তি।
সিও হেনো এক মৰা সূৰ্যৰহে দৃষ্টিভ্ৰান্তি।
সূৰ্যটো সূৰ্য নহ’বও পাৰে,
হ’ব পাৰে সূৰ্যটোৰ চানেকী।
সকলো শেষ হয়, শেষ হৈ যায় ফুলৰো সুগন্ধি।
স্মৃতিও হেৰায়, খহে ঘৰৰ মাৰলি পান্তি।
একেখন নদীতে দুবাৰ ভৰি
বুদ্ধই থ’ব নোৱাৰে য’ত নেকি।
No comments:
Post a Comment