মায়ে একো নাজানে

 

বগৰী এটা খাবলৈ

মন গৈছিল বৰকৈ

মায়ে ক'লে

ময়ে বোলে 

বগৰীজোপা ৰুব লাগিবগৈ

 

বগৰী পকিব

মই হেনো বুটলি খাম 

যেতিয়া সৰিব

 

মাজতে ৰৈ যা বুলি ভিনিহিক কৈ

কলপাত এখিলা কাটি আনিলোঁগৈ

 

বগৰীনো কেনেকৈ ৰুৱে

সোধোঁতে মায়ে 

শুই থাকিবলৈহে ক'লে,

শুই থাকিলে

হাঁহোঁ ধৰিব নোৱাৰে শিয়ালে

নাজানে নেকি মায়ে

 

এইচ জি আৰ্চাৰে এদিন 

আমাৰ মাৰ কথা সুধিছিল

কেনেকৈনো কওঁ‌ 

 

আমাৰ মায়ে সঁ‌চাকে

নাজানে বুলি একোকে