ঘৰ আং বাং দেশ বেবেৰিবাং

[কাণখোৱা তোৰ ঘৰটো আজি হেলেক পেলেক

হাত সাবটি কিনো চাই আছ পেলেকা পেলেক?]

খেনোৱে দিছে খোলত বোল

খেনোৱে টানিছে ভাঙ

বীৰ ৰসত খেনো মছগুল

দিছে তৰোৱালত শাণ

খেনোৱে বিচাৰি পুৰণি হেং দাং

খেপিয়াইছে ধোঁৱা চাং

আকাশত দেখি কাকতি ফৰিং

মেলি দিছে কুকুৰ ৰাং

খেনো যদিও চালাক চতুৰ

খেনো তেনেই হেবাং

বাহিৰত দেখি বুট জোতাৰ ঢং

দুবাৰত দিছে দাং

মিছাতে নাপাতি আকাশত চাং

বুধি এটাকে পাঙ

নিজৰ ঘৰ তেনেই ধোবাং বাং

সোপাকে হ'ব সাং