কাণখোৱাৰ ঘৰ (তিনিটা তিনিশৰীয়া কবিতা)

১)

কেতিয়াবা নিজৰে নিজকে কিবা অন্য অন্য যেন লাগে।   

কামৰ পৰা আহি সন্ধিয়াটো ঘৰৰ পিৰালিতে কটালোঁ    

ঘৰৰ ভিতৰলৈ অন্য মানুহ সোমাই অহাটো বিচৰা নাছিলোঁ‌। 

২)

নিজৰ পৰা পলাই তোৰ কাষ চাপোতে যিটো ঘৰত আশ্ৰয় লওঁ

তোৰ পৰা পলাই নিজৰ কাষলৈ আহোতেও

ঘৰ একেটাই

৩)

মানুহবোৰে ফোন কৰি সোধে ঘৰলৈ কেতিয়া আহিবা।

মানুহবোৰে ফোন কৰি সোধে ঘৰলৈ কেতিয়া যাবা।

ঘৰলৈ আহিম নে ঘৰলৈ যাম? তলকিব নোৱৰাতে ৰয়।