শিমলু মাগ্ৰিট

বুকুত মাগ্ৰিটৰ চকু

একোজোলা শিমলুৰ ডাৱৰ উৰি ফুৰিছে
মদৰ দোকান খোলাৰ খবৰ পাই
মানুহবোৰ ডাৱৰ গছকি আগবাঢ়িছে

এজোলা ডাৱৰে আহি
মোৰ খিৰিকীত টুকুৰিয়ায়
খিৰিকীখন খুলি দে কাণখোৱা
ভেম পাতি লাভ নাই

শিমলুৰ তুলা হৈ উৰিবৰ মন বোলা তাইক
ঘৰলৈ সুমুৱাবলৈ বিচাৰি যি ভুল কৰিছিলোঁ
কৰিছিলোঁ
এতিয়া তোকনো সোমাবলৈ দিওঁ কোন সতে?

অ’ শিমলু মেঘ, মই সূতা কাটিব নাজানো…

René Magritte: Variation for the victory, 1965