অজীণপাতকী ৰ'ল। আচিন সাধক।
"নেলাগে নিজৰা জুৰি নেলাগে সাগৰ
বাট চাই ৰ'ম মই নেলাগে ভাগৰ"...
ওষ্টাগত প্ৰাণাকুল। চৰাই চাতক।।
তথাগত চাতক কি নতুন জাতক?
"দেখিছোঁ ধাৱমান সৌ আকাশে ডাৱৰ
নক'বা আজি মোক সময় যে তাকৰ"...
জীৱন তৃষা সন্ধানী - আপোন ঘাতক।
গুৰু গুৰু গুৰু সেয়া মেঘে গৰজিছে...
নিজে গঢ়িলি চাতক নিজৰে ফাটক।
ৰুণু জুনু ৰুণু জুনু মেঘে বৰষিছে,
লহেপহে গছে ছন্দে তুলিছে পুলক -
সুদূৰ বিদেশে যে। এই দেশেও পিছে
আকূল প্ৰাণেৰে কেৱে মেঘক মাতক...।।
No comments:
Post a Comment