মেটেকা ফুল

বুঢ়াটোৱ কলমৌ খাওতেই

নগৰখনত জুই লাগি যোৱা কথাটো যদি সঁচা

তেনেহ’লে মোৰ কথাটোও সঁচা

এতিয়া মোৰ কথা কেনেকৈ বিশ্বাস নকৰকৈ থাকা চাওঁ

শিয়ালীৰ কাণখন কাটি

তুমি যদি চাকি এগছি জ্বলাব পাৰা

আৰু যদিহে শুই শুই মই বগৰি এজোপা 

ৰুব পাৰোঁ বুলি মানিব পাৰা

মই কোৱা কথাবোৰ তুমি নেমানি পাৰিবানে বাৰু

মেটেকা ফুলৰ গোন্ধ পোৱাৰ পিছতো

কিয় যে তুমি মোৰ ঘৰটো বিচাৰি নাপাওঁ বুলি কোৱা

তুমি মন মাৰি থাকিলেই যদি

তামোলৰ ঢকুৱা সৰে

জোনাকি পৰুৱা জ্বলে

তেনেহ’লে মই তোমাৰ কথা ভাবিলেই

মেটেকা ফুলাৰ কথাটোও সচাঁ

মেটেকা ফুলৰ গোন্ধ পোৱাৰ পিছতো

 কিয় যে তুমি মোৰ ঘৰটো বিচাৰি নাপাওঁ বুলি কোৱা...

A backdrop from the performance "Jetuki Bai"