ডিছপোজেবল্‌ পইদ্দ

১

যিদিনা ৰাতিপুৱা পলমকৈ টোপনি ভাগে

এনে লাগে যেন পৃথিৱীৰ আটাইবোৰ মানুহ

মোক এৰি থৈ নাও এখনত উঠি ক’ৰবালৈ গুছি গৈছে।।

২

তুমি এনেয়েই ইমানকৈ গাই বাই ফুৰিছা

আচলতে মই এটা খুবেই সহজলভ্য মানুহ

বাট আগছি ধৰি যি কোনো এজন মানুহকে সুধিবা

কেনেকৈ গৰমত পোৰে জেঠ মাহ ঠাণ্ডাত কঁপে পুহ।।

৩

তলসৰা বকুল ফুলেৰে ভৰা আকাশৰ তলত ৰৈ ভাবিছোঁ

কোনপাহি বা কৃষ্ণাইৰ মূৰৰ !

মাণ্ডুৰ পর্বতৰ শিখৰত নিয়ৰে সেমেকা ৰাতি। 

৪

আহা নতুনকৈ আৰম্ভ কৰোঁ দুনাই

এক্কেবাৰে প্রথমৰ পৰা এবাৰ

তোমাৰ হাততো একো নাই মোৰ হাততো একো নাই

আহা ফাগুণ, মই নিধিৰাম চর্দাৰ।।

[হুঁ, HOON (collection of Verses in Assamese), Published by Bornali Borgohain on behalf of Aakhar Prakash, Guwahati 3, Guwahati Bookfair Jan 2009]